Samið um viðhald á Lækjarbakkavegi

Post date: Sep 3, 2011 5:06:21 PM

Stjórn félagsins hefur samið við Ásvélar ehf um viðhaldsframkvæmdir á Lækjarbakkavegi.

Umfangi framkvæmda er stillt í samræmi við sjóðsstöðu félagsins.

Helstu framkvæmdaliðir eru eftirfarandi:

1. Upphækkun á vegi frá Lækjarbakka 1 að Búrfellsvegi. Vegtengingin færist jafnframt nokkra metra til austurs þannig að hún lendi eins nálægt hæsta punkti á þjóðveginum og kostur er.

2. Lagfæring á ræsi undir veg fyrir neðan Lækjarbakka 2 (grjóthleðsla og ofaníburður).

3. Lagfæring á vegi meðfram lóðum Lækjarbakka 7 og 9 og setja undir hann ræsi.

4. Lagfæring á undirlagi annars staðar á veginum eftir þörfum og vatnshalli lagaður til að draga úr skemmdum af völdum vatnsrennslis.

5. Ofanálag á allan veginn ásamt þjöppun og sléttun. Samið hefur verið við verktakann þannig að ef þörf er á meira undirlagi en áætlanir gera ráð fyrir þá verði dregið úr magni í yfirlag á móti þannig að kostnaðaráætlun standist. Ofanálag yrði þá borið þykkast þar sem umferð er mest og svo þynnri í endana (og svo yrði bætt í yfirlag síðar).

Samhliða framkvæmdunum verður lokað fyrir akstur um eystri vegaslóðann.

Framkvæmdir hefjast um miðjan september og skal þeim lokið fyrir lok október.

Einhverjar raskanir geta orðið á umferð um veginn meðan á framkvæmdum stendur.

Verktakinn mun þó aldrei fara af svæðinu nema það sé fært um veginn.

Fyrir hönd stjórnar,

Ólafur